又就黎中獎?

一次又一次咁收到《讀者文摘》既「重要特急信件」，內容係關於我好幸運咁抽中成為佢地既目標客戶，過五關斬六將後已經到左最後幾關，只要訂佢地既刊物，就可以玩埋最後幾關，贏取名車等豐富獎品！

小學時，我真係以為自己好好彩，落足嘴頭叫屋企人試訂一年，一年過左，佢仲係話我好好彩，差幾關就贏左架車，叫我續訂一年，心想：一年又一年，都唔知仲有幾多個一年先真係可以拎部名車返屋企！

到最後我都係冇續訂。雖然我果陣多數都係睇佢入面Ｄ笑話，但呢本野都算係我閱讀長篇文章既啟蒙老師。


車匙信件