影畢業相的日子

呢排係中大影畢業相的日子，我又充當朋友西門兄、同學丹尼斯同埋拔同學的相機佬，始終都係鍾意幫人影相多個自己影，眼見佢地背光，企得唔好，有遮掩等就會好緊張，因為影出黎後尾先知影得唔好既話就冇得補救，所以寧願影既時候叫佢地左Ｄ左Ｄ、右Ｄ右Ｄ、高Ｄ高Ｄ、低Ｄ低Ｄ！雖然影一張相係耐左好多，不過我覺得係值得的。

起菲林既年代，或者可能係因為菲林、沖、晒都係成本，所以Ｄ人起影一張相之前都會構好晒圖、度好晒位先影一張相，比較起而家既「數碼，衰左咪影多張」既心態真係好唔同。心態唔同左，影出黎既產品都有所分別，睇返以前大師級既作品，真係睇到相背後既「心」。