時間表

（二）
兒子：「媽媽，我同果個女仔拍拖都有一段長時間，發展得幾穩定，我地想結婚喇。」
媽媽：「都好呀，大個仔遲早都要結婚，不過我想要抱孫時間表。」
兒子：「都未結婚，邊有咁快諗抱孫時間表。」
媽媽：「咁你最後係唔係會生仔丫？」
兒子：「係既......」
媽媽：「沒有路線圖，沒有時間表，沒有達致抱孫方向的婚姻是可以接受的嗎？」
媽媽：「爭取抱孫時間表。」
姨媽：「爭取抱孫時間表。」
姑姐：「爭取抱孫時間表。」
叔伯：「爭取抱孫時間表。」
遠房：「爭取抱孫時間表。」
媽媽：「拿，我地唔係迫你，係幫你儲籌碼咋，等你可以用呢Ｄ籌碼黎向個女朋友反映我地對抱孫既訴求。」
兒子：「咁快同女朋友講抱孫，我驚嚇親佢，令佢反感喎。」
媽媽：「你呢個衰仔，冇膽又怕事，竟然幫女朋友講野，簡直出賣自己人！」
姑姐：「都叫你生舊叉燒好過生佢啦。」
姨媽：「唔緊要，等我去美國冒險樂園度同Ｄ街坊反映下，等佢地周圍唱，到時果個女仔一樣會聽到。」
兒子：「大佬，想抱孫都唔駛搵我條命黎玩嘛！」