Newsweek (亞洲版)

以前一直都覺得睇英文雜誌要睇 TIME 先似樣，覺得 TIME 係美國權威，後來發覺，自己的立場同 TIME 唔多一致，唔係唔鍾意佢，不過睇佢硬係覺得佢講既野唔合胃口，可能因為我唔係美國人關係吧！

不過偶然間俾我搵到一本美國的雜誌，報導手法同立場都好合我胃口，呢本就係"新聞週刊"(Newsweek)，佢起美國同埋中東關係入面，立場算係中立，唔會一味話美國幾神聖幾偉大幫其他中東國家「解放」，新聞週刊反而會探討點解中東唔肯接受美國式的民主，美國自己半身出乒係唔係已經有問題。

我另一個鍾意新聞週刊既原因，係佢地報導關於「環保」既新聞比較多同埋全面，呢Ｄ新聞百看不厭，因為我覺得，在不久將來，最熱門的話題、最賺錢的行業、最能夠回饋社會的，一定係環保。