魚目混珠

灣仔地鐵站通往入境大樓既天橋，一向都係免費報紙兵家必爭之路，呢幾日朝早行經既時侯，發覺左一樣好奇怪既事情，就係「頭條日報」同「AM730」陣營前面，都企左個衣著同佢地好似，連顏色都差唔加既人，企起度派「大紀元時報」，或者果Ｄ人真係咁巧合著左人地套制服都唔定，但係俾我既感覺係：佢地有心魚目混珠！

明人不做暗事，市民拎唔拎係佢地既自由，唔駛欺騙市民拎你份報紙（至少對我黎講覺得係）呀嘛? 如果我係唔想睇既，唔小心拎左都只會擺佢落廢紙回收箱啦，你估我地真係乜野拎左都會睇咩！