一日一篇

做人越黎越懶，睇返對上一次寫 Blog 以經係一個月前既事，好！下定決心一日出至少一篇！冇貨咪講吓今日做過D乜，一定有野寫。

話說前幾日公司所在大廈既管理處送左籃生果上黎賀中秋，細徙士既生果好快咁俾人搶晒，剩返個沙田柚冇人要，我見佢咁慘咪拎返去據為己有。今日得閒少少，終於開左佢黎食，食完仲將個殼還原返球形，再幫佢雕兩隻眼同埋個口（好似萬聖節南瓜咁），擺左起缸魚隔離（係，我養左缸魚的），如果下禮拜二個柚皮未俾呀嬸當垃圾丟了的話，就影返張相擺上黎俾大家睇睇（其實呢度可能得我一個人睇）。